والله زمان
خير اللهم اجعله خير وأنا ماشي بتمشى في النت و في رحلة البحث عن خطواتي لقيت أول صفحة عملتها في حياتي أيام الدنيا كانت صعبة, المكان طبعا باين في الصورة هوة الجيوسيتي ( الكلام للناس بتوع زمان ), كان النت طبعا سرعته في الهوا والكل عارف, يعني لمة يكون 56 كيلو كنا أنا و أصحابي نزغرد……….
ما علينا, المهم والله أيام حلوة و مرة في نفس الوقت..تكوين الصفحة على الفرونت بيج و بالHTML الله على أيام الصفحة الواحد لمة يخلص منها كأنه من جد أنهى إنشاء موقع الأيام دي, يابخت الأجيال الجديدة و سهولة وسرعة وطعامة النت, كفاية غزل مش ناقص مشاكل مع الحكومة ( انتوا عارفين )؟؟؟ ونسيت أقول كمان المشاكل اللي حصلتلي وقتها من الحكومة ( و الله معاها حق ) مهو مش معقولة كمان ساعات بالكوم عشان صفحة مع انه والله كنت ومازلت بكتب لها….ينكرن العشير..!!!
اسيبكم مع صورة أول صفحة أعملها,, وده تقريبا قبل عشر سنين,,أيام كان الواحد بصحته و النت مش بصحتها..
على فكرة الموقع الله يرحمه عبارة عن بقايا, بس كم صفحة لسة موجودة للذكرى و التاريخ الي كله غبار….
خطواتكم