خطوات في حياتي

زمان كنت خير اللهم اجعله خير يركبني ستين عفريت و معاهم زيهم من الأغاني العربي خصوصا الحديثة, أنا من أهل الطرب الأصيل أم كلثوم و عبد الوهاب وغيرهم كتير بس أكيد مو الفوضى الي موجودة الآن.من الجيل الجديد يمكن أحب أسمع أحيانا جورج وسوف على الرغم من أنه كتير من الناس ما يحبوه بس أنا حر.

طيب ايش علاقة كل اللي أنا بكتبه بالعنوان و أليسا وكرهي لها, جايكم بالحكاية, وأنا طالع المطار رايح على فرنسا في مرة من المرات قلت وليه لا الواحد يغير جوي و يعيش الفلة شوي:) المهم معاية البلاير كل الأغاني اللي فيه إلي قلتلكم عليها, طيب و الحل أخدت بسرعة البلاير وحطيته في كمبيوتر أحد الأقارب و الي لقيته قدامي شلته.الحمد لله طلعت الطيارة وقلت يلا فلة واشغل البلاير ومالقيت غير الي نزلته من الكمبيوتر وكل الأغاني حقتي راحت في خبر كان؟؟؟طيب ما في مشاكل خليني اشغل الموجود وخير اللهم اجعله خير كل الموجود أليسا و 6 ساعات من الطيران وانا اسمع اليسا و كمان 4 تانيين وانا اسمع اليسا..؟؟من كتر ما سمعت أغانيها حفظتها , لا حول ولا قوة إلا بالله من أم كلثوم و عبدالوهاب لأليسا مع احترامي لها ما احب أغانيها, وصلت بس مع مرور الوقت اكتشفت اني صرت ادندن اغانيها على الرايحة و الجاية, وحبيت أغانيها و خصوصا الأغنية الي عارضها لكم و ما صار في يدي غير اني اقول كرهتك يا أليسا.