من رمضان لرمضان و ياقلبي لا تحزن
من مبدأ حسنة قليلة تمنع بلاوي كتيرة، لا تنسونا من الدعاء بعد قراءة هذه النصائح وهي خاصة برمضان فقط بقية السنة ما تنفع.
- ارسل رسالة مباركة بحلول شهر رمضان لكل من في الفون بوك و لا تنسى الإيميلات و الفيس بوك يلا، حتى لو كنت ما واصلته من سنين، عادي احنا في رمضان.
- اكثر من الإيميلات الدعوية و خصوصا الي فيها ادعو لكاتبها بالخير و انشر تربح و مررها للأف واحد لأنها أمانة و بير حسنات.
- أكثر من مقولة اللهم إني صائم ، من مبدأ كلمة قليلة تمنع ذنوب كتيرة..!!طيب ولو مش صايم هتعمل إيه؟
- المواظبة على الصلوات وخصوصا في المسجد و تحديدا التراويح لأنه المساجد بقية السنة مغلقة للصيانة.
- اكثر من الزيارة و صلة الرحم أصله بقية السنة معذور دايما مشغول.
- اكثر من الصدقات وخصوصا امام الأسواق والمولات والمقاهي و الكوفي شوبس.
- تمسك بالسبحة و تستغفر أغلب الأوقات أصله العلبة الي فيها السبحة لها رقم سري ما تفتح إلا في رمضان والرقم مع البواب و البواب في السوق و السوق بعيد و يامطرة رخي رخي.
- تأدي العمرة و خصوصا في العشر الأيام الأخيرة و تحديدا ليلة السابع و العشرون.
- تختم القرآن بأسرع ما يمكن، مش مهم تتمعن في الكلام و لا تفهم بس اختم و خلاص.
- تحضر التختيم في الحرم لأنه في أي مكان تاني مو مقبول.
- تابع البرامج الدينية خصوصا على مائدة الإفطار أما بعد الإفطار فكل ممنوع في النهارمرغوب في الليل.
- تغض البصر في النهار أما في الليل مو مشكلة روّح عن تعبك شوي من كتر الصيام ممكن تروح مول مرتب و مكيف أو كافيه بس المهم يكون فيه واير لس عشان النت و لا تنسى جوالك بس خلي البلوتوث مفتوح عشان يجيك الدعاوي (الدينية طبعا).
- تشتري طن من المأكولات قبل رمضان ( اصله الحرب هتقوم و المجاعة هتعم البلاد) وبعدين ترمي نصفها في المهملات على أساس صومو تصحّو.
- النساء خففوا المكياج وشدوا الطرح اكتر يعني مو دايما بس في النهار ( لو كنتو صاحيين)، الليل مو مشكلة اصله الجو حر عادي.
- الرجال مو مشكلة تروح الدوام متأخر أو نعسان أو تنام في الدوام، أصلك قايم الليل تصلي ( مو تاكل أبدا )، وبعدين مين قال انه الشغل في رمضان واجب….أبدا ده فرض كفاية اذا قام به البعض سقط عن الآخرين اللي هوة انت منهم طبعا.
في الختام لا تنسى تمرر هدي النصايح لمليون واحد واستنى خبر سعيد يجنن يجيك ليلة العيد..اذا ما جاك عاود المحاولة في رمضان لاحق (اصلك ضامن عمرك)
… ابق قابلني …
ثم إنه أجري على الله
نصائح مفيدة … يبغالو الواحد يطبعها ويعلقها ويبدأ يطبقها في رمضان وفي كل حياتو
شكراً
الأخ الكريم فؤاد
بالطبع النصائح لجميع فترات السنة و لكن هذا ما ألاحظه ان الناس تعتبر أن الدين فقط في رمضان و تتناسى باقي أيام السنة.
هذه فقط القليل من المشاهد المكررة في شهر رمضان و الأخطر من هذا أنها أصبحت تدخل ضمن نطاق العادات لهذا الشهر الكريم و التطبيق فيه لمجرد احياء التراث و ليس مبدأ الدين.
شاكر مرورك و تحياتي
جزاك الله خيرا على النصائح
احنا في الخدمة
تقبل الله صيامنا و صيامكم
جزااااااك الله خيرا نصائح حلوة ترسم البسمة
شهر مبارك جعلنا وإياكم من عتقائه
تقبل مروري
تقبل الله منا ومنكم ياهاشم
مبارك عليك الشهر
تقبل الله منا ومنكم
مبارك عليك الشهر
D:
للأسف هي الحقيقة المرة